Evrópskur tungumáladagur 2005 - límmiðasett

Evrópuráðið og Tungumálamiðstöðin í Graz hafa í tilefni af Evrópskum tungumáladegi 26. september 2005 sent menntamálaráðuneytinu meðfylgjandi límmiðasett með áletruninni „Talaðu við mig" á fjölmörgum tungumálum.

Ráðuneytið fer þess á leit að efninu verði dreift til grunnskóla á þjónustusvæði yðar og einnig til leikskóla ef skrifstofan þjónar því skólastigi. Jafnframt er vísað til bréfs ráðuneytisins frá 12. ágúst sl. þar sem hvatt er til þess að Evrópsks tungumáladags 26. september nk. verði minnst með einhverjum hætti í skólum.