Áríðandi tilkynning: Vegabréf til Bandaríkjanna
Að gefnu tilefni er rétt að vekja athygli á því Íslendingar á leið til Bandaríkjanna verða að framvísa tölvulesanlegu vegabréfi eða vegabréfi með áritun frá bandaríska sendiráðinu.
Þann 26. júní síðastliðinn tilkynntu bandarísk stjórnvöld að engar undanþágur yrðu veittar frá þessu. Fyrir þann tíma var unnt fyrir íslenska ríkisborgara að fá eina undaþágu hvað þetta varðar við komu til Bandaríkjanna.
Í dag er farþegum vísað til síns heima geti þeir ekki framvísað tölvulesanlegu vegabréfi eða vegabréfi með áritun frá bandaríska sendiráðinu.
Öll íslensk vegabréf sem gefin eru út eftir 1. júní 1999 eru tölvulesanleg.
- Nánari upplýsingar er að finna á heimasíðu Útlendingastofnunar http://utl.is/?bId=74&nsid=51&nsoffset=0
- Nánari upplýsingar um vegabréfsáritun til Bandaríkjanna (athugið að upplýsingar á íslensku eru neðar á síðunni) http://www.usa.is/page.asp?id=536
- Nánari upplýsingar um vegabréfsútgáfu http://www.utl.is/index.php?bId=71