Sérfræðingur í málefnum háskólastigsins og mati á skólastarfi

Menntamálaráðuneyti auglýsir laust til umsóknar starf sérfræðings í málefnum háskólastigsins, einkum er varðar mat og úttektir, á skrifstofu menntamála (mats- og eftirlitsdeild). Um er að ræða fullt starf.

Leitað er að háskólamenntuðum einstaklingi með reynslu og þekkingu á íslenska menntakerfinu, einkum starfsemi háskólastigsins. Frumkvæði, sjálfstæð vinnubrögð, tölvufærni og góð kunnátta í ensku og einu Norðurlandamáli eru nauðsynlegir kostir ásamt ritfærni og hæfni í mannlegum samskiptum.

Æskilegt er að viðkomandi geti hafið störf sem allra fyrst. Laun greiðast samkvæmt launakerfi Félags háskólamenntaðra starfsmanna stjórnarráðsins. Nánari upplýsingar veitir Margrét Harðardóttir deildarstjóri mats- og eftirlitsdeildar og Ásgerður Kjartansdóttir sérfræðingur í mats- og eftirlitsdeild.

Umsóknir með upplýsingum um menntun og starfsferil, merktar sérfræðingur í málefnum háskólastigsins, sendist menntamálaráðuneyti, Sölvhólsgötu 4, 150 Reykjavík.

Umsóknarfrestur er til 19. desember 2005.