Nýtt viðmót á vef ráðuneytisins

Vefir dóms- og kirkjumálaráðuneytisins voru færðir í nýtt viðmót í dag.

Uppsetningin er liður í endurnýjun viðmóts allra ráðuneytisvefjanna. Eins verður skipt um viðmót á öðrum vefjum sem tengjast ráðuneytunum.

Nýja viðmótið

Nýja viðmótið þykir vera léttara og nútímalegra en það gamla. Hugsmiðjan hannaði viðmótið en Eplica, vefumsjónarkerfi ráðuneytanna, kemur einnig frá Hugsmiðjunni.

Uppsetningu forsíðu var um leið breytt til hagræðingar fyrir notendur vefsins. Hægra hliðarval hefur verið fært fyrir ofan meginefni (undirstrikað með rauðu á myndinni að ofan). Einnig er listi yfir helstu verkefni uppfærður og reynt að skýra betur hvað liggur á bak við hvern tengil.

Nýja viðmótinu fylgir ný virkni sem nýtist lesblindum. Hún er virkjuð með því að smella á A-ið í litaða kassanum við hliðina á leitarstrengnum.

Gamla viðmótið