Skipað í Samstarfsnefnd um málefni aldraðra

Skipuð hefur verið Samstarfsnefnd um málefni aldraðra skv. 1. gr. laga nr. 38/2004 um breytingu á lögum um málefni aldraðra. Skipunin gildir frá og með 1. desember 2005 til næstu almennu alþingiskosninga. Eru nefndarmenn skipaðir að nýju eftir að ný lög voru samþykkt um málefni aldraðra. Í nefndinni eru: Jón Helgason, formaður, án tilnefningar, Aðalsteinn Guðmundsson, læknir, án tilnefningar, Margrét Margeirsdóttir, formaður eldri borgara í Reykjavík, tilnefnd af Landssambandi eldri borgara, Gísli Páll Pálsson, formaður Ö.Í., tilnefndur af Öldrunarráði Íslands, og Guðmundur Rúnar Árnason, bæjarfulltrúi í Hafnarfirði, tilnefndur af Sambandi íslenskra sveitarfélaga. Varamenn eru: Sigrún Sturludóttir, án tilnefningar, Birna Svavarsdóttir, hjúkrunarforstjóri á Eir, án tilnefningar, Ólafur Ólafsson, formaður Landssambands eldri borgara, tilnefndur af Landssambandi eldri borgara, Bernharður Guðmundsson, varaformaður Ö.Í., tilnefndur af Öldrunarráði Íslands, og Ragnheiður Hergeirsdóttir, sveitarstjórnarmaður í sveitarfélaginu Árborg, tilnefnd af Sambandi íslenskra sveitarfélaga. Ritari nefndarinnar er Vilborg Ingólfsdóttir, deildarstjóri í heilbrigðis- og tryggingamálaráðuneytinu, en aðstoðarmenn nefndarinnar eru Margrét Erlendsdóttir og Hermann Bjarnason, deildarstjórar í heilbrigðis- og tryggingamálaráðuneytinu.