Ný stefna fjármálaráðuneytisins tekur gildi

Úr Vefriti fjármálaráðuneytisins – þú getur gerst áskrifandi að vefritinu.

Nýlega lauk í fjármálaráðuneytinu stefnumótunarvinnu sem m.a. fól í sér að hlutverk, markmið, gildi og framtíðarsýn ráðuneytisins voru endurskilgreind
í ljósi margvíslegra breytinga sem orðið hafa á starfsumhverfi
ráðuneytisins á síðustu árum.

Meginmarkmið
Samkvæmt stefnu fjármálaráðuneytisins eru meginmarkmið ráðuneytisins
og viðmið í starfsemi þess eftirfarandi:

• stöðugleiki í efnahagslífi og góð lífskjör í landinu,
• jafnvægi ríkissjóðs til lengri tíma litið,
• hagkvæmt og skilvirkt skattaumhverfi,
• ábyrg og árangursrík stjórn ríkisfjármála,
• gagnsær rekstur ríkisins og einfalt skipulag,
• að ríkið hafi á að skipa starfsfólki í fremstu röð sem býr við gott starfsumhverfi,
• að ráðuneytið veiti örugga þjónustu með áherslu á fagleg vinnubrögð.

Framtíðarsýn
Framtíðarsýn ráðuneytisins er sem hér segir:

• Fjármálaráðuneytið vill auka samkeppnishæfni íslensks samfélags
  og stuðla að bættum lífskjörum í landinu.
• Fjármálaráðuneytið vill vera vettvangur nýrra hugmynda og aðferða við úrlausn opinberra verkefna.
• Fjármálaráðuneytið vill vera eftirsóttur vinnustaður með hæfu og vel menntuðu starfsfólki.

Nálgast má nánari upplýsingar um stefnu ráðuneytisins á vefsíðu þess.