Nýr aðstoðarmaður heilbrigðis- og tryggingamálaráðherra

Kolbrún Ólafsdóttir, lögfræðingur, hefur verið ráðin aðstoðarmaður Sivjar Friðleifsdóttur, heilbrigðis- og tryggingamálaráðherra. Kolbrún er fædd 1971 og útskrifaðist frá lagadeild Háskóla Íslands 1999. Hún hlaut héraðsdómslögmannsréttindi 2004. Kolbrún hefur starfað sem fulltrúi lögreglustjórans í Reykjavík frá árinu 2002. Þar á undan starfaði hún sem fulltrúi sýslumannsins á Eskifirði.

Kolbrún hefur gegnt margvíslegum félagsstörfum. Hún hefur verið varaformaður Félags ungra framsóknarmanna í Reykjavík suður frá 2003, ritstjóri Sambands ungra framsóknarmanna 2003-2005, formaður Varðbergs 2004-2005 og setið í framkvæmdastjórn Landsambands framsóknarkvenna frá 2003 og verið varaformaður frá 2005. Kolbrún tekur við aðstoðarmannsstarfinu 1. maí nk. af Sæunni Stefánsdóttur, viðskiptafræðingi, sem verður aðstoðarmaður félagsmálaráðherra.