Sveitarstjórnarmönnum fækkar um 128
Í allmörgum sveitarfélögum hafa verið samþykktar breytingar á fjölda kjörinna fulltrúa í sveitarstjórn. Samkvæmt 12. gr. sveitarstjórnarlaga, nr. 45/1998, skal kveðið á um fjölda fulltrúa í sveitarstjórn í samþykkt um stjórn viðkomandi sveitarfélags og fer fjöldi fulltrúa eftir íbúafjölda.
Ráðuneytið hefur staðfest breytingar á fjölda fulltrúa í sveitarstjórnum eftirfarandi sveitarfélaga:
| Númer | Nafn | Fjöldi 2002 | Fjöldi 2006 |
| 2506 | Sveitarfélagið Vogar | 5 | 7 |
| 6400 | Dalvíkurbyggð | 9 | 7 |
| 6514 | Hörgárbyggð | 7 | 5 |
| 8509 | Skaftárhreppur | 7 | 5 |
| 8614 | Rangárþing ytra | 9 | 7 |
| 8720 | Skeiða- og Gnúpverjahreppur | 7 | 5 |
| Breytingar alls | 44 | 36 |
Öllu meiri fækkun mun þó eiga sér stað vegna sameiningar sveitarfélaga. Tólf ný sveitarfélög urðu til á kjörtímabilinu. Í töflunni hér fyrir neðan er tilgreindur fjöldi sveitarstjórnarmanna í öllum þeim sveitarfélögum sem nú mynda hið nýja sveitarfélag.
Árið 2003 sameinuðust Búðahreppur og Stöðvarhreppur og mynduðu Austurbyggð sem aftur sameinast Fjarðabyggð, Fáskrúðsfjarðarhreppi og Mjóafjarðahreppi í kjölfar sveitarstjórnarkosninganna í vor.
Árið 2004 sameinuðust annars vegar Akureyrarkaupstaður og Hríseyjarhreppur, og hins vegar Austur- Hérað, Norður- Hérað og Fellahreppur sem mynduðu Fljótsdalshérað.
Um síðustu áramót sameinuðust Svínavatnshreppur, Sveinsstaðahreppur, Torfalækjarhreppur og Bólstaðarhlíðarhreppur og mynduðu Húnavatnshrepp. Húnavatnshreppur mun sameinast Áshrepp í kjölfar kosninganna í vor.
Við almennar sveitarstjórnarkosningar 27. maí 2006 verður kosið til nýrrar sveitarstjórnar í tíu sameinuðum sveitarfélögum. Þrjú þeirra hafa fengið stjórnsýsluheiti þegar þetta er ritað, Fjarðabyggð, Dalabyggð og Húnavatnshreppur. Í flestum hinna sveitarfélaganna mun fara fram atkvæðagreiðsla um heiti sameinaðs sveitarfélags samhliða sveitarstjórnarkosningunum.
Í meðfylgjandi töflu má sjá breytingar á fjölda fulltrúa í sveitarstjórnum hinna sameinuðu sveitarfélaga.
| Nýtt sveitarfélag | Fjöldi 2002 | Fjöldi 2006 | Nýtt stjórnsýsluheiti |
| Fljótsdalshérað | 17 | 11 | |
| Akureyrarkaupstaður | 16 | 11 | |
| Sameinað sveitarfélag Hólmavíkurhrepps og Broddaneshrepps |
10 | 5 | |
| Sameinað sveitarfélag Áshrepps og Húnavatnshrepps | 25 | 7 | Húnavatnshreppur |
| Sameinað sveitarfélag Gaulverjarbæjarhrepps, Hraungerðishrepps og Villingaholtshrepps |
15 | 7 | |
| Sameinað sveitarfélag Þórshafnarhrepps og Skeggjastaðahrepps |
10 | 7 | |
| Sameinað sveitarfélag Skilmannahr., Innri- Akraneshr., Hvalfjarðarstrandarhr. og Leirár- og Melahr. |
20 | 7 | |
| Sameinað sveitarfélag Dalabyggðar og Saurbæjarhrepps | 12 | 7 | Dalabyggð |
| Sameinað sveitarfélag Siglufjarðarkaupstaðar og Ólafsfjarðarbæjar |
16 | 9 | |
| Sameinað sveitarfélag Húsavíkurbæjar, Keldunes-hrepps, Öxarfjarðarhrepps og Raufarhafnarhrepps | 24 | 9 | |
| Sameinað sveitarfélag Borgarbyggðar, Borgarfjarðarsveitar, Hvítársíðuhr. og Kolbeinsstaðahr. |
24 | 9 | |
| Sameinað sveitarfélag Fjarðabyggðar, Austurbyggðar, Fáskrúðsfjarðarhrepps og Mjóafjarðarhrepps |
29 | 9 | Fjarðabyggð |
| Breyting alls | 218 | 98 |
Samanlagður fulltrúafjöldi í sveitarstjórnum ofangreindra tíu sveitarfélaga verður því 98 en var áður 218. Fækkun sveitarstjórnarmanna vegna sameiningar sveitarfélaga nemur því 120 fulltrúum. Þegar bætt er við þeirri fækkun sem leiðir af samþykktum sveitarstjórna, og raktar voru að framan, er ljóst að kjörnum fulltrúum í sveitarstjórnum mun fækka um 128 frá upphafi síðasta kjörtímabils. Heildarfjöldi sveitarstjórnarmanna sem kjörnir voru í kosningunum 2002 var 657 en verða eftir sveitarstjórnarkosningar 529.
Fjöldi sveitarstjórnarmanna eftir sveitarfélögum