22% frambjóðenda í efsta sæti eru konur
Konur eru 44% allra frambjóðenda á listum fyrir sveitarstjórnarkosningarnar sem fram fara næstkomandi laugardag.
Í kosningunum 2002 voru konur 41% frambjóðenda og í kosningunum 1998 voru þær 38%. Hlutfall kvenna á framboðslistum fer því stigvaxandi.
Konur leiða 22% þeirra lista sem í framboði eru í vor, samanborið við 20% í kosningunum 2002.
Sé litið til fjögurra efstu sæta, sem eru þau sæti sem alla jafna eiga mesta möguleika á að ná kjöri, eru konur 42% frambjóðenda á móti 58% karla.
Konur eru 32% fulltrúa í sveitarstjórnum í dag. Við viljum vekja athygli á sérstöku jafnréttiskorti á kosningavef ráðuneytisins þar sem sjá má kynjaskiptingu eftir sveitarfélögum.