Styrkir til námsefnisgerðar - stafrænt námsefni

Menntamálaráðuneytið auglýsir styrki til námsefnisgerðar. Um er að ræða gagnvirkt stafrænt námsefni sem verði aðgengilegt á netinu.

Menntamálaráðuneytið auglýsir styrki til námsefnisgerðar. Um er að ræða gagnvirkt stafrænt námsefni sem verði aðgengilegt á netinu. Áhersla er lögð á námsefni í ensku, dönsku, íslensku og stærðfræði sem nýtist á mörkum grunnskóla og framhaldsskóla. Námsefnið skal nýtast sem stuðningur við einstaklingsmiðað nám og sveigjanleika í kennslu. Einnig skal námsefnið vera kennslufræðilega og tæknifræðilega frambærilegt og viðmót notenda aðgengilegt. Samvinna kennara og tölvufyrirtækja er æskileg. Þýðing á erlendu stafrænu námsefni kemur til greina.

Í styrkumsókn þarf að koma fram hvernig námsefnið tengist markmiðum aðalnámskráa, hvernig byggt er á notkun upplýsingatækni og hvernig gæðakröfur skuli uppfylltar. Í verkáætlun skal gera ráð fyrir að námsefnið verði tilbúið í ágúst 2007 og það verði öllum opið til notkunar a.m.k. í eitt ár.

Umsóknum skal komið til menntamálaráðuneytisins, Sölvhólsgötu 4, 150 Reykjavík, fyrir 23. júní 2006.

• Umsóknareyðublað (doc- 307KB) (pdf - 121KB)