Fundur með forsætisráðherra Rússlands

Halldór Ásgrímsson forsætisráðherra átti að loknum leiðtogafundi Eystrasaltsráðsins í dag fund með Mikhail Y. Fradkov forsætisráðherra Rússlands í Ráðherrabústaðnum við Tjarnargötu.

Ræddu ráðherrarnir meðal annars tvíhliða samskipti þjóðanna á sviði viðskipta, orku- og umhverfismála, ferðamála, fiskveiða og menningarmála. Ennfremur ræddu ráðherrarnir málefni norðurhafa með hliðsjón af aukinni auðlindavinnslu og flutningum á svæðinu. Að lokum kynnti Halldór Ásgrímsson framboð Íslands til setu í Öryggisráði Sameinuðu þjóðanna á árunum 2009 - 2010.

                                                                                                              Reykjavík 8. júní 2006