Fundur með Jaap de Hoop Scheffer framkvæmdastjóra Atlantshafsbandalagsins
![Geir H. Haarde forsætisráðherra og Valgerður Sverrisdóttir utanríkisráðherra með Jaap de Hoop Scheffer framkvæmdastjóra Atlantshafsbandalagsins](/media/forsaetisraduneyti-media/media/frettamyndir/geir+valg.+jaap_de_hoop.jpg?proc=singleNewsItem)
Geir H. Haarde forsætisráðherra og Valgerður Sverrisdóttir utanríkisráðherra áttu í dag fund með Jaap de Hoop Scheffer framkvæmdastjóra Atlantshafsbandalagsins í Ráðherrabústaðnum við Tjarnargötu. Á fundinum var rætt um málefni Atlantshafsbandalagsins og undirbúning fyrir leiðtogafund þess, sem haldinn verður í Riga í Lettlandi í nóvember n.k. Einnig var farið yfir stöðu mála í viðræðum Íslands og Bandaríkjanna um varnarsamstarfið.
Reykjavík, 16. júní 2006