Sérfræðingur á skrifstofu menningarmála

Menntamálaráðuneyti auglýsir laust til umsóknar starf sérfræðings á skrifstofu menningarmála. Um er að ræða fullt starf.

Leitað er að háskólamenntuðum einstaklingi með staðgóða þekkingu á málefnum íslenskrar tungu og þjóðmenningar og safna og fræðastarfs. Frumkvæði, sjálfstæð vinnubrögð og góð kunnátta í ensku og einu Norðurlandamáli eru nauðsynlegir kostir ásamt ritfærni og hæfni í mannlegum samskiptum. Reynsla af stjórnsýslustörfum er kostur.

Æskilegt er að viðkomandi geti hafið störf fljótlega. Laun greiðast samkvæmt launakerfi Félags háskólamenntaðra starfsmanna stjórnarráðsins. Nánari upplýsingar veitir Karitas H. Gunnarsdóttir, skrifstofustjóri skrifstofu menningarmála.

Umsóknir með upplýsingum um menntun og starfsferil sendist menntamálaráðuneyti, Sölvhólsgötu 4, 150 Reykjavík. Umsóknarfrestur er til 30. júní 2006.