Þriðji fundur Íslands og Bandaríkjanna um varnarsamstarf

Þriðji fundur Íslands og Bandaríkjanna um varnarsamstarf ríkjanna fór fram í dag í Þjóðmenningarhúsinu við Hverfisgötu. Rætt var um hvernig vörnum Íslands verði háttað eftir brottför varnarliðsins og með hvaða hætti gengið verði frá samkomulagi um þær. Jafnframt fór í fyrsta sinn fram efnisleg umræða um einstök atriði sem lúta að yfirtöku Íslendinga á rekstri og viðhaldi Keflavíkurflugvallar og hvernig verði farið með mannvirki Bandaríkjanna og Atlantshafsbandalagsins á varnarsvæðinu. Vel miðaði í viðræðunum í dag og gert er ráð fyrir næsta fundi samninganefndanna í byrjun ágúst.

                                                                                                           Reykjavík 7. júlí 2006