Mannúðar- og neyðaraðstoð til Líbanon

FRÉTTATILKYNNING
úr utanríkisráðuneytinu

Nr. 044

Valgerður Sverrisdóttir utanríkisráðherra hefur ákveðið að veita 10 milljónum króna til mannúðar- og neyðaraðstoðar í Líbanon. Framlag að upphæð 6 m.kr. (80.000 Bandaríkjadölum) verður veitt til Sameinuðu þjóðanna. Jafnframt verður Hjálparstarf kirkjunnar og RKÍ styrkt um 4 milljónir króna vegna starfsemi samtakanna í Líbanon og skiptist upphæðin jafnt á milli samtakanna.