Menntamálaráðuneyti auglýsir laust til umsóknar embætti skrifstofustjóra mats- og greiningarsviðs í ráðuneytinu

Skrifstofustjóri stýrir daglegri starfsemi mats- og greiningarsviðs en hægt er að fela skrifstofustjóra umsjón með annarri skrifstofu eða sviði í ráðuneytinu.

Skrifstofustjóri stýrir daglegri starfsemi mats- og greiningarsviðs en hægt er að fela skrifstofustjóra umsjón með annarri skrifstofu eða sviði í ráðuneytinu. Mats- og greiningarsvið ber ábyrgð á framkvæmd gæðamats og eftirliti með gæðastarfi í menntastofnunum á öllum skólastigum eins og mælt er fyrir um í lögum og reglugerðum, þ.m.t. mati á rannsóknum í háskóla- og rannsóknastofnunum. Mats- og greiningarsvið vinnur jafnframt að þróun aðferða við gæða- og árangursmat fyrir alla starfsemi sem heyrir undir ráðuneytið. Í því skyni að tryggja yfirsýn og undirbyggja almenna stefnumótun í málaflokkum sem ráðuneytið fer með annast mats- og greiningarsvið, í nánu samstarfi við aðrar skrifstofur og svið, öflun og úrvinnslu þeirra gagna og upplýsinga sem við á hverju sinni.

Umsækjendur skulu hafa lokið háskólaprófi. Við mat á umsóknum verður litið til menntunar og starfsreynslu.

Í umsókn skal veita upplýsingar um menntun, starfsferil og reynslu.

Æskilegt er að sá einstaklingur, sem skipaður verður í embættið, geti hafið störf sem fyrst.

Nánari upplýsingar um starfið veitir Kristín Jónsdóttir, skrifstofustjóri í menntamálaráðuneyti.

Umsóknir skulu hafa borist menntamálaráðuneyti, Sölvhólsgötu 4, 150 Reykjavík, eigi síðar en 30. ágúst nk.