Styrkir til kennslu grunnnáms í listdansi

Menntamálaráðuneyti auglýsir eftir umsóknum um rekstrarstyrki til dansskóla er kenna listdans samkvæmt aðalnámskrár fyrir listdansskóla. Styrkirnir eru ætlaðir til að greiða fyrir kennslu nemenda í grunnnámi í listdansi. Skilyrði fyrir styrkveitingu er að skólinn hafi hlotið viðurkenningu ráðuneytisins á starfseminni samkvæmt viðmiðum sem ráðuneytið hefur sett, dags. 17. ágúst 2006. Umsókn um rekstrarstyrk þurfa að fylgja upplýsingar um nemendafjölda á hverju stigi grunnnámsins, upplýsingar um kennslustundafjölda og skólagjöld.

Nánari leiðbeiningar um frágang umsókna eru á umsóknareyðublaði sem er á vef ráðuneytisins. Umsóknarfrestur er til 25. september næstkomandi.