Nr. 4/2006 - Styrkir til byggingar reiðhúsa
Nefnd sem landbúnaðarráðherra skipaði í mars síðastliðnum til þess að úthluta styrkjum til byggingar reiðhúsa hefur lokið störfum. Alls bárust 41 umsókn og úthlutað var styrkjum til byggingar 28 reiðhúsa víðs vegar um landið.
Í landbúnaðarráðuneytinu,
14. september 2006
Úthlutun styrkja til byggingar reiðhalla, reiðskemma og reiðskála sbr. ályktun Alþingis frá 15. mars 2003, um að fela landbúnaðarráðherra að skipa nefnd sem geri úttekt á aðstöðu til hestamennsku á landsbyggðinni og leggi fram tillögur um stuðning ríkissjóðs við uppbyggingu hennar svo og tillögur nefndar landbúnaðarráðherra frá janúar 2005 og samþykkt ríkisstjórnarinnar í mars 2006, um fjárframlög til byggingar reiðhalla, reiðskemma og reiðskála. Samtals var úthlutað 330 milljónum.
Eftirtaldir aðilar hafa fengið vilyrði fyrir styrk:
- Hestamannafélögin Skuggi og Faxi, Borgarbyggð, kr. 25 milljónir til byggingar reiðhallar í Borgarnesi
- Hestamannafélagið Snæfellingur, kr. 15 milljónir til byggingar reiðskemmu í Grundarfirði
- Hestamannafélagið Glaður í Dölum, kr. 5 milljónir til byggingar reiðskála í Búðardal
- Hestamannafélagið Stormur, Þingeyri, kr. 12 milljónir til byggingar reiðskemmu í Dýrafirði
- Hestamannafélagið Þytur, Húnaþingi vestra, kr. 15 milljónir til byggingar reiðskemmu á Hvammstanga
- Hestamannafélagið Neisti, Blönduósi, kr. 3 milljónir upp í kostnað við lokafrágang reiðhallar á Blönduósi
- Hestamannafélögin í Skagafirði, kr. 3 milljónir upp í kostnað við lokafrágang reiðhallar á Sauðárkróki
- Hestamannafélagið Glæsir, Siglufirði, kr. 5 milljónir vegna reiðskemmu á Siglufirði
- Hestamannafélagið Hringur, Dalvík, kr. 5 milljónir upp í kostnað við lokafrágang reiðhallar í Dalvíkurbyggð
- Hestamannafélagið Léttir, Akureyri, kr. 29 milljónir til byggingar reiðhallar á Akureyri
- Hestamannafélagið Funi, Eyjafjarðarsveit, kr. 5 milljónir til byggingar reiðskála á Melgerðismelum
- Hestamannafélagið Þráinn, Grýtubakkahreppi, kr. 5 milljónir til byggingar reiðskála á Grenivík
- Hestamannafélagið Þjálfi, Þingeyjarsveit, Aðaldælahreppi og Skútustaðahreppi, kr. 5 milljónir til byggingar reiðskála í Torfunesi
- Hestamannafélagið Grani, Húsavíkurbæ, kr. 8 milljónir til byggingar reiðskemmu við Húsavík
- Hestamannafélagið Feykir Öxarfjarðarhreppi, kr. 5 milljónir til byggingar reiðskála í Öxarfirði
- Hestamannafélagið Snæfaxi, Þórshöfn, kr. 5 milljónir til byggingar reiðskála á Þórshöfn
- Hestamannafélagið Freyfaxi, Fljótsdalshéraði, kr. 20 milljónir til byggingar reiðhallar á Fljótsdalshéraði
- Hestamannafélagið Blær Fjarðarbyggð, kr. 10 milljónir til byggingar reiðskemmu á Norðfirði
- Hestamannafélagið Hornfirðingur, kr. 15 milljónir til byggingar reiðskemmu á Hornafirði
- Hestamannafélagið Kópur, Skaftárhreppi, kr. 5 milljónir til byggingar reiðskála á Kirkjubæjarklaustri
- Hestamannafélagið Geysir, Rangárþingi eystra, kr. 7 millj. til byggingar reiðskemmu á Hvolsvelli
- Hestamannafélagið Geysir, kr. 26 milljónir til byggingar reiðhallar á Gaddstaðaflötum
- Hestamannafélagið Smári, kr. 15 milljónir til byggingar reiðskemmu á Flúðum
- Hestamannafélagið Logi, kr. 5 milljónir til byggingar reiðskála í Reykholti, Biskupstungum
- Hestamannafélagið Sleipnir, Sveitarfélaginu Árborg, kr. 25 milljónir til byggingar reiðhallar á Selfossi
- Hestamannafélagið Máni, Reykjanesbæ, kr. 20 milljónir til byggingar reiðhallar í Reykjanesbæ
- Hestamannafélagið Máni Grindavík, kr. 7 milljónir til byggingar reiðskemmu í Grindavík
- Hestamannafélagið Hörður, Mosfellsbæ, kr. 25 milljónir til byggingar reiðhallar í Mosfellsbæ þar sem gert er ráð fyrir sérstakri aðstöðu til þjálfunar fatlaðra og sjúkra í samstarfi við Reykjalund.