Ræða ráðherra á loftslagsráðstefnu Sameinuðu þjóðanna í beinni vefútsendingu

Jónína Bjartmarz umhverfisráðherra er nú stödd í Nairobi í Kenía þar sem ráðherrafundur Loftslagssamnings Sameinuðu þjóðanna hófst í dag. Hún flytur ræðu fyrir hönd Íslands um klukkan átta í fyrramálið á íslenskum tíma. Hægt verður að fylgjast með ráðherranum flytja ræðuna í beinni vefútsendingu á slóðinni http://www.un.org/webcast/unfccc/.

Kofi Annan, aðalritari Sameinuðu þjóðanna, ávarpaði loftslagsráðstefnuna í morgun og fjallaði meðal annars um Nairobi áætlunina, en hún miðar að því að aðstoða þróunarríki við að gerast aðilar að Kýótó-sáttmálanum. Frekari upplýsingar um fundinn og ræðu Kofi Annan má nálgast á vef Loftslagssamnings Sameinuðu þjóðanna.