Ráðherra heimsækir höfuðstöðvar lögreglu höfuðborgarsvæðisins

Björn Bjarnason dóms- og kirkjumálaráðherra heimsótti í dag höfuðstöðvar lögregluembættis höfuðborgarsvæðisins að Hverfisgötu 113 - 115. Skoðaði hann húsakynni hins nýja embættis og hitti þar starfsfólk. Lýsti ráðherrann ánægju með hve vel hefði tekist að hrinda sameiningu lögregluembætta höfuðborgarsvæðisins í framkvæmd.

Þá staðfesti dóms- og kirkjumálaráðherra formlega nýtt skipurit embættisins og opnaði nýja kynningarvefsíðu þess.

Dóms- og kirkjumálaráðuneytið gaf út nýtt vefrit í dag þar sem gerð er grein fyrir nýskipan í starfi lögreglu og sýslumanna í kjölfar breytinga á lögreglulögum á síðast liðnu ári, sjá: www.domsmalaraduneyti.is/vefrit/nr/1442 .

Reykjavík 9. janúar 2007

Nýr kynningarvefur lögreglu höfuðborgarsvæðisins