Hækkun lánsfjárhlutfalls og lánsfjárhæðar Íbúðalánasjóðs
Félagsmálaráðuneytið hefur gefið út reglugerð um breytingu á reglugerð um lánshlutfall og fjárhæð ÍLS-veðbréfa, nr. 540/2006. Breytingin felur í sér að lánshlutfall almennra lána Íbúðalánasjóðs hækkar úr 80 prósentum í 90 prósent og hámarksfjárhæð almennra lána hækkar úr 17 milljónum króna í 18 milljónir króna.
Lánshlutfallið og hámarksfjárhæðin eru færð í sama horf og þau voru áður en ríkisstjórnin greip til aðgerða í efnahagsmálum í lok júnímánaðar 2006.
Reglugerð þessi tekur gildi 1. mars 2007.
![Veraldarvefurinn Tenging frá vef ráðuneytisins](/media/velferdarraduneyti-media/media/Bullets/www.gif)