Skýrsla Evrópunefndar um tengsl Íslands og Evrópusambandsins
Nefnd um Evrópumál, sem forsætisráðherra skipaði 8. júlí 2004 skilaði skýrslu sinni hinn 13. mars 2007.
Verkefni nefndarinnar var að kanna framkvæmd EES-samningsins, önnur tengsl Íslands og Evrópusambandsins, sem og ýmis álitamál tengd hugsanlegri aðild Íslands að Evrópusambandinu. Nefndin átti m.a. að kanna hvort og þá hvers konar undanþágur séu veittar í aðildarsamningum að Evrópusambandinu, hvað aðild myndi kosta ríkissjóð til lengri og skemmri tíma litið og hverjir væru kostir og gallar evrunnar fyrir Ísland, auk þess sem skilgreind yrði staða Íslands miðað við hinn nýsamþykkta stjórnarskrársáttmála Evrópusambandsins. Þá átti samkvæmt skipunarbréfinu einnig að ræða á vettvangi nefndarinnar önnur álitaefni er vörðuðu tengsl Íslands og Evrópusambandsins og nefndin teldi til þess fallin að skýra stöðu Íslands sérstaklega í þessu samhengi. Nefndin skilar sameiginlegri niðurstöðu um fjölmarga þætti en einstakir nefndarmenn birta í skýrslunni álit varðandi afstöðu sína til þess, að Ísland gerist aðili að Evrópusambandinu.
Skýrsla nefndarinnar: Tengsl Íslands og Evrópusambandsins (pdf-skjal 2709KB)
Conclusions and Recommendations of the Committee on Europe
Fylgiskjöl með skýrslu Evrópunefndar:
- Lög samþykkt á Alþingi sem eiga rætur að rekja til samningsins um Evrópska efnahagssvæðið Greinargerð sem Eva Margrét Ævarsdóttir og Hafdís Ólafsdóttir frá skrifstofu Alþingis unnu fyrir Evrópunefndina.
- Minnispunktar um þátttöku í evrópsku samstarfi í rúman áratug Greinargerð sem Ágúst H. Ingþórsson vann fyrir Evrópunefndina árið 2006 um þátttöku Íslands í samstarfsáætlunum ESB.
- Kostir og gallar upptöku evru sem gjaldmiðils á Íslandi Greinargerð unnin af Hagfræðistofnun fyrir Evrópunefndina árið 2007.
- Schengensamstarf í þágu öryggis og frelsis Grein eftir Björn Bjarnason, dóms- og kirkjumálaráðherra og formann Evrópunefndar. Birtist upphaflega árið 2006 í Bifröst. Riti lagadeildar Háskólans á Bifröst
- Samstarf ESB á sviði utanríkis- og öryggismála og tengsl Íslands við það samstarf Greinargerð sem Þórir Ibsen vann fyrir Evrópunefndina árið 2006.