Afhending trúnaðarbréfa

Sigríður Dúna Kristmundsdóttir, sendiherra, afhenti 12. apríl sl. forseta Eþíópíu, HE Girma Woldegiorgis, trúnaðarbréf sitt sem sendiherra Íslands gagnvart Eþíópíu með aðsetur í Pretoríu.

Ennfremur átti sendiherra fundi með utanríkisráðherra, dr. Takeda Alenu, og orkumálaráðherra landsins, Sinknesh Ejigu.

Sama dag afhenti Sigríður Dúna Kristmundsdóttir, sendiherra, Patrick Mazimhaka, varaformanni Afríkusambandsins, trúnaðarbréf sitt sem fastafulltrúi Íslands hjá Afríkusambandinu í höfuðstöðvum sambandsins í Addis Ababa. Var þar m.a. rætt um framboð Íslands til Öryggisráðs Sameinuðu þjóðanna, orkumál og ýmis málefni Afríku.

Sigríður Dúna Kristmundsdóttir, sendiherra,
og Patrick Mazimhaka, varaformaður Afríkusambandsins