Ný ríkisstjórn
Ný ríkisstjórn
Á ríkisráðsfundi á Bessastöðum í dag tók Einar Kristinn Guðfinnsson við embætti landbúnaðarráðherra í nýrri ríkisstjórn Sjálfstæðisflokks og Samfylkingar. Einar Kristinn, sem hefur verið þingmaður frá 1991 og sjávarútvegsráðherra frá 27. september 2005, gegnir framvegis báðum ráðherraembættunum. Á meðfylgjandi mynd sem tekin var í landbúnaðarráðuneytinu síðdegis afhendir Guðni Ágústsson, fráfarandi landbúnaðarráðherra, arftaka sínum lyklavöldin að ráðuneytinu.
Sjávarútvegsráðuneytinu 24. maí 2007