Anna Kristín Ólafsdóttir ráðin aðstoðarkona umhverfisráðherra

Anna Kristín Ólafsdóttir hefur verið ráðin aðstoðarkona Þórunnar Sveinbjarnardóttur umhverfisráðherra. Anna Kristín lauk BA prófi í stjórnmálafræði frá Háskóla Íslands 1995 og meistaraprófi í stjórnsýslu og stefnumótun (MPA) frá Háskólanum í Wisconsin í Bandaríkjunum vorið 2000. Hún starfaði sem fulltrúi í sendiráði Bandaríkjanna á Íslandi 1990 - 96, sem sérfræðingur hjá ríkisendurskoðun Wisconsin-þings 2000 - 2001, og sem aðstoðarkona borgarstjórans í Reykjavík 2001 - 2003. Frá ársbyrjun 2004 hefur Anna Kristín gengt starfi forstöðumanns háskólaskrifstofu Listaháskóla Íslands.