Landbúnaðarstofnun opnar nýja heimasíðu

Einar K. Guðfinnsson sjávarútvegs- og landbúnaðarráðherra opnaði nýja heimasíðu Landbúnaðarstofnunar á Selfossi laugardaginn 2. júní. Nýi vefurinn er mjög vel úr garði gerður og ógrynni upplýsinga þar að finna. Opið hús var eftir hádegi þar sem gestum og gangandi gafst kostur á að kynna sér starfsemi stofnunarinnar og nýttu margir tækifærið til þess. Á myndinni, sem Magnús Hlynur Hreiðarsson tók, hleypir ráðherra nýja vefnum af stokkunum.