Félagsmálaráðherra hefst handa við endurskoðun almannatrygginga

Í samræmi við stefnuyfirlýsingu ríkisstjórnarinnar frá 23. maí 2007 og í ljósi þess að málefni aldraðra og almannatryggingar munu flytjast frá heilbrigðisráðuneyti til félagsmálaráðuneytis um næstu áramót hefur félagsmálaráðherra ákveðið að hefja vinnu við endurskoðun á almannatryggingalöggjöfinni. Skipuð verður fimm manna verkefnastjórn sem vinna skal heildstæðar tillögur um eðlilegar fyrstu aðgerðir, langtíma stefnumótun og nauðsynlegar lagabreytingar þeim samfara. Verkefnastjórninni til ráðgjafar mun starfa ráðgjafarnefnd skipuð fulltrúum hagsmunaaðila.