Laust embætti ráðuneytisstjóra sjávarútvegs- og landbúnaðarráðuneytis

 Laust er til umsóknar embætti ráðuneytisstjóra sjávarútvegs- og landbúnaðarráðuneytis frá og með 1. janúar nk.

Skipað er í embættið til fimm ára frá og með 1. janúar 2008. Um embættið gilda lög nr. 73/1969, um Stjórnarráð Íslands, með síðari breytingum, og að öðru leyti lög nr. 70/1996, um réttindi og skyldur starfsmanna ríkisins með síðari breytingum. Um laun og önnur starfskjör fer samkvæmt ákvörðun kjararáðs, sbr. lög nr. 47/2006, um kjararáð.

Umsóknir, ásamt upplýsingum um aldur, menntun og fyrri störf skulu hafa borist sjávarútvegsráðuneytinu, Skúlagötu 4, 150 Reykjavík, eigi síðar en 19. október 2007. 

Reykjavík, 3. október 2007

 Einar K. Guðfinnsson

sjávarútvegs- og landbúnaðarráðherra