Saga baráttunnar gegn uppblæstri Íslands í 100 ár

Í ár hefur þess verið minnst að eitt hundrað ár eru liðin frá upphafi skipulegs landgræðslustarfs hér á landi en engin þjóð virðist hafa starfað lengur samfellt að landgræðslu og stöðvun jarðvegseyðingar en Íslendingar. Í tilefni þessara tímamóta hefur saga landgræðslustarfs á Íslandi verið tekin saman af Friðriki G. Olgeirssyni sagnfræðingi og gefin út af Landgræðslunni. Á fundi sem haldin var í tilefni af útgáfu bókarinnar Sáðmenn sandanna í Þjóðmenningarhúsinu tók Einar Kristinn Guðfinnsson sjávarútvegs- og landbúnaðarráðherra við eintaki af bókinni frá Sveini Runólfssyni landgræðslustjóra ásamt Níelsi Árna Lund, skrifstofustjóra í landbúnaðarráðuneytinu. (Myndina tók Sigurður Bogi).