Stjórn Héraðs- og Austurlandsskóga

Samkvæmt 5. gr. laga nr. 95/2006 um landshlutabundin skógræktarverkefni skal landbúnaðarráðherra skipa þriggja manna stjórn fyrir hvert landshlutaverkefni til fjögurra ára í senn. Skal einn stjórnarmanna tilnefndur af félagi skógarbænda á viðkomandi svæði, annar af Skógrækt ríkisins og sá þriðji skipaður án tilnefningar.

Stjórnin hefur á hendi yfirstjórn verkefnisins og samþykkir starfs- og fjárhagsáætlanir þess. Hún ræður framkvæmdastjóra sem annast daglegan rekstur. Skógrækt ríkisins veitir aðstoð og faglegar leiðbeiningar við verkefnin. Landbúnaðarráðherra setur stjórnum landshlutaverkefnanna starfsreglur.

Stjórnin er lögbundin og var skipuð þann 27. september 2006 og mun starfa til 27. september 2010.

Stjórnina skipa:

Þorvaldur Jóhannsson, formaður, skipaður af landbúnaðarráðherra.
Jóhann Gísli Jóhannsson, bóndi, tilnefndur af Félagi skógarbænda á Héraði.
Þór Þorfinnsson, skógarvörður Austurlandi, tilnefndur af Skógrækt ríkisins.