Heimasíða Veðurstofunnar valin besti vefur í almannaþjónustu
Veðurstofa Íslands fékk verðlaun fyrir besta vef í almannaþjónustu þegar Íslensku vefverðlaunin 2007 voru veitt 1. febrúar síðastliðinn.
Í umsögn dómnefndar um vef Veðurstofunnar sagði: ,,Sjaldan hefur sést jafn vel heppnuð breyting á vef. Allt er til sóma, viðmótið er vel hannað, nytsamlegt og aðgengilegt, sem gerir öllum kleift að skoða vefinn. Einnig er vefurinn mjög gagnvirkur og hægt að skoða allt það nýjasta tengt veðurfari, mengun jarðskjálftum og fleiru".