Sérfræðingur á sviði upplýsingatækni á skrifstofu menntamála

Menntamálaráðuneyti auglýsir laust til umsóknar starf sérfræðings á sviði upplýsingatækni á skrifstofu menntamála. Starfið er fjölþætt og felur í sér umsjón með uppbyggingu, viðhaldi og þróun upplýsingakerfa um menntamál á vegum ráðuneytisins. Starfið felur í sér mikil samskipti við sérfræðinga og stjórnendur innan menntamálaráðuneytis, skóla og aðrar stofnanir á vegum þess, önnur ráðuneyti, sem og þjónustuaðila. Um er að ræða fullt starf.

Leitað er að einstaklingi með háskólapróf og víðtæka reynslu og þekkingu á upplýsingatækni og nýtingu hennar við stjórnun og í skólastarfi. Æskilegt er að viðkomandi hafi reynslu í verkefnastjórnun og þekki vel til íslensks skólakerfis. Lögð er áhersla á sjálfstæð vinnubrögð, hæfni í mannlegum samskiptum og góða kunnáttu í íslensku, auk færni í ensku og einu norðurlandamáli.

Æskilegt er að viðkomandi geti hafið störf sem fyrst. Laun greiðast samkvæmt gildandi kjarasamningi Félags háskólamenntaðra starfsmanna Stjórnarráðsins. Nánari upplýsingar veitir Kristín Jónsdóttir skrifstofustjóri upplýsinga- og þjónustusviðs.

Umsóknir með upplýsingum um menntun og starfsferil sendist menntamálaráðuneyti, Sölvhólsgötu 4, 150 Reykjavík. Umsóknarfrestur er til 7. júlí 2007.

Umsóknir um starfið gilda í sex mánuði.