Frumvarp til laga um menningarminjar

Á vegum menntamálaráðuneytis hafa um nokkurt skeið verið í vinnslu lagafrumvörp á sviði menningararfs- og safnamála, sem menntamálaráðherra hyggst leggja fram á komandi haustþingi.

Við undirbúning málsins var byggt á reynslu af framkvæmd laga um húsafriðun, safnalaga, laga um flutning menningarverðmæta úr landi og skil menningarverðmæta til annarra landa og þjóðminjalaga og ennfremur ábendingum hagsmunaaðila. Þá hefur verið horft til þróunar í lagasetningu um einstaka málaflokka undanfarin ár og sambærilegrar löggjafar í nágrannalöndum.

Hægt er að nálgast texta allra frumvarpanna, sem enn eru í vinnslu, ásamt nánari upplýsingum um efni þeirra á vef ráðuneytisins, www.menntamálaráðuneyti.is/menning.