Rit um tungumálakennslu í Evrópulöndum

Til hagsmunaaðila

Menntamálaráðuneytið bendir á ritið Key Data on Teaching Languages at School in Europe - 2008 Edition sem er gefið út af Eurydice, upplýsinganeti á vegum Evrópusambandsins um menntamál í Evrópu.

Umsjón með verkefnum á vegum Eurydice á Íslandi er í menntamálaráðuneyti, mats- og greiningarsviði. Á vegum Eurydice er safnað, fylgst með, unnið úr og dreift traustum samanburðarhæfum upplýsingum um menntakerfi og menntastefnur í 30 Evrópulöndum.

Útgáfuefni Eurydice, skiptist í lýsingar á menntakerfum einstakra landa, samanburðarathuganir á tilteknum málaflokkum, tölfræðileg gögn og vísa um einstaka þætti menntakerfanna. Útgefið efni og aðgang að gagnagrunni um evrópsk menntakerfi má nálgast á vefsíðunni http://eacea.ec.europa.eu/portal/page/portal/Eurydice.