Staða samningaviðræðna við kröfuhafa og eiginfjármögnun nýju viðskiptabankanna
Fréttatilkynning nr. 34/2009
Fyrstu samningafundir milli fjármálaráðuneytis fyrir hönd nýju bankanna og skilanefnda gömlu bankanna fóru fram í síðustu viku hjá öllum nýju bönkunum, Íslandsbanka, NBI (Landsbankans) og Nýja Kaupþings. Á þessum samningafundum voru lagðar fram fjárhagslegar upplýsingar nýju bankanna, þar með talið tillögum um jöfnunargreiðslur milli nýju og gömlu bankanna vegna yfirtekinna eigna og skulda, fjármögnun frá ríkinu og skoðun á verðmati eigna bankanna framkvæmdu af Deloitte. Núna stendur yfir áreiðanleikamat hjá skilanefndum og ráðgjöfum þeirra þar sem bæði ráðgjafar og kröfuhafar hafa aðgang að verðmati eigna og viðskiptaáætlunum bankanna.
Fjármálaráðuneytið telur mikilvægt að gætt verði fyllstu sanngirni í samningaviðræðum við skilanefndir. Markmiðið er að ná samkomulagi um jöfnunargreiðslur milli nýju og gömlu bankanna og endurfjármagna nýju bankana á tiltölulega stuttum tíma. Til að auka skilvirkni í yfirstandandi samningaferli fylgja hér með upplýsingar um tengiliði í þessum samningaviðræðum.
Nánari upplýsingar og tengiliðir:
Til að hafa samband við íslensk stjórnvöld varðandi beinar samningaviðræður, vinsamlegast hafið samband við Þorstein Þorsteinsson í fjármálaráðuneytinu í síma: 545 9200 [email protected]
Til að hafa samband við íslensk stjórnvöld varðandi stofnfjárframlag í sparisjóðina vinsamlegast hafið samband við Hjördísi Dröfn Vilhjálmsdóttur, ráðgjafa fjármálaráðherra í síma: 545 9200, [email protected]
Fjölmiðlar eru vinsamlegast beðnir um að beina fyrirspurnum sínum til Helgu Valfells, aðstoðarmanns viðskiptaráðherra í síma: 545 8800, [email protected] og Hjördísar Drafnar Vilhjálmsdóttur, ráðgjafa fjármálaráðherra í síma: 545 9200, [email protected]
Fjármálaráðuneytinu, 9. júní 2009