Ný íslensk vegabréf - fingraförum bætt í örgjörvann

Í nýju vefriti dóms- og kirkjumálaráðuneytisins er fjallað um uppfærslu á íslenska vegabréfakerfinu sem nú er unnið að hjá Þjóðskrá. Í samræmi við samþykktir Schengenríkja á vettvangi ESB skal fingraförum bætt í örgjörva vegabréfa eigi síðar en 28. júní 2009. Er þetta gert til að fullnægja kröfum um öryggi vegabréfa sem gerðar eru báðum megin Atlantshafsins.

Þessi breyting snertir eingöngu þá sem þurfa að endurnýja vegabréf sín hvort eð er. Eldri vegabréf halda gildi sínu fram að næstu endurnýjun.

Í vefriti ráðuneytisins er fjallað almennt um útgáfu vegabréfa en ítarlegar upplýsingar er einnig að finna á vefnum www.vegabref.is.

Vefrit dóms- og kirkjumálaráðuneytisins 4. tbl. 2009