Ráðherra tekur við fyrstu framleiðslu af bíódísil hér á landi

Mánudaginn 21. september sl. fékk Jón Bjarnason sjávarútvegs- og landbúnaðarráðherra afhenta flösku af bíódísil (jurtadísilolíu) sem unnin var í haust úr vetrarrepju frá Þorvaldseyri undir Eyjafjöllum. Hér er um nýja aukabúgrein að ræða og er þetta fyrsta framleiðslu bíódísil hér á landi. Það var Ólafur Eggertsson bóndi á Þorvaldseyri sem afhenti flöskuna.

Framleiðsla bíódísil er verkefni á vegum rannsóknar og þróunarsviðs Siglingarstofnunar sem vinnur það í samstarfi við Landbúnaðarháskóla Íslands og bændur víða um land.