Auðgunarbrot kært til lögreglu

Komið hefur í ljós að auðgunarbrot hefur átt sér stað í sendiráði Íslands í Vín og hefur bókari sendiráðsins, sem gegnt hefur því starfi undanfarið, viðurkennt aðild sína. Bókarinn hefur þegar látið af störfum. Málið hefur verið kært til lögreglu og er það nú til rannsóknar þar, auk þess sem Ríkisendurskoðun fer að beiðni utanríkisráðuneytisins yfir verkferla ráðuneytisins sem tengjast þessu atviki. Ekki leikur grunur á að aðrir starfsmenn tengist málinu. Ráðuneytið mun ekki tjá sig frekar um málið á meðan það er til rannsóknar hjá lögreglu.