Ræddi við talsmenn ungliðahreyfinga stjórnmálaflokka
Liður í þeirri kynningu ráðherra var að fá til sín talsmenn ungliðahreyfinga stjórnmálaflokkanna og var sá fundur haldinn fimmtudaginn 26. nóvember. Lagði ráðherra mikla áherslu á mikilvægi samráðs við unga fólkið og óskaði sérstaklega eftir tillögum frá þeim og áframhaldandi samstarfi. Fundurinn var mjög góður og kom ráðherra ekki að tómum kofanum hjá þessu unga fólki sem vill leggja sitt að mörkum til að jafna hlut kvenna og karla í stjórnmálum og þá ekki síður að ungt fólk af báðum kynjum komi þar að.
