Breytt reglugerð um bókhald og ársreikninga sveitarfélaga til umsagnar

Drög að reglugerð um breytingu á reglugerð nr. 944/2000 um bókhald og ársreikninga sveitarfélaga er nú til  umsagnar á vef samgöngu- og sveitarstjórnarráðuneytisins. Unnt er að senda ráðuneytinu athugasemdir til 22. desember næstkomandi á netfangið [email protected].

Helstu breytingar á reglugerðinni eru eftirfarandi:

• Hagstofa Íslands tilnefnir nú einn fulltrúa í reikningsskila- og upplýsinganefnd. Nefndin verður því meginvettvangur fyrir samræmingu og öflun fjármálaupplýsinga sveitarfélaga.
• Hlutverk nefndarinnar hvað varðar samræmingu fjármálaupplýsinga annarra en þeirra sem fram koma í ársreikningum og fjárhagsáætlunum er aukið í samstarfi við sveitarfélögin.
• Nefndinni er jafnframt ætlað í samstarfi við sveitarfélögin að vinna að söfnun og samræmingu ársfjórðungslegra fjármálaupplýsinga frá sveitarfélögum. Þessi vinna kemur í stað öflunar mánaðarlegra upplýsinga eins og gert hefur verið í tilraunaskyni á þessu ári.

Ráðgert er að gefa reglugerðina út fyrir árslok. Þeir sem vilja senda ráðuneytinu athugasemdir sínar eru beðnir að gera það í síðasta lagi 22. desember næstkomandi. Reglugerðardrögin má sjá hér:

• Drög að reglugerð um breytingu á reglugerð nr. 944/2000 um bókhald og ársreikninga sveitarfélaga
• Drög að reglugerð um breytingu á reglugerð nr. 944/2000 um bókhald og ársreikninga sveitarfélaga