Alþjóðaár um aukinn skilning milli ólíkra menningarheima

Alþjóðaár um aukinn skilning milli ólíkra menningarheima (International Year for the Rapprochement of Cultures) hefst formlega í dag í höfuðstöðvum UNESCO í París með fundi hóps háttsettra aðila sem aðalframkvæmdastjóri UNESCO Irina Bukova hefur kallað saman til að fjalla um frið og hvernig efla megi gagnkvæman skilning milli ólíkra menningarheima. Hópnum er ætlað að íhuga m.a. nýjar víddir friðarhugtaksins, hlutverk menntunar í friðargæslu og hvernig virkja megi ýmsa fulltrúa og hópa, opinbera aðila og aðila í einkageiranum, frá ólíkum menningarheimum til þess að vinna að auknum skilningi þeirra á milli.

Frú Vigdís Finnbogadóttir, fyrrverandi forseti Íslands, hefur verið tilnefnd í hópinn af aðalframkvæmdastjóra UNESCO.