Sameiningarkosningar í Eyjafirði 20. mars

Kosið verður um sameiningu sveitarfélaganna Arnarneshrepps og Hörgárbyggðar í Eyjafirði laugardaginn 20. mars næstkomandi. Samstarfsnefnd um sameininguna hefur undirbúið kosninguna.

Gefið verður út kynningarblað um sameininguna út 3. mars og kynningarfundir haldnir 10. og 11. mars. Samanlögð íbúatala þessara sveitarfélaga var þann 1. desember 606 manns.

Samstarfsnefnd um sameiningu sveitarfélaganna hefur síðan í nóvember unnið að gerð málefnaskrár og áhersluatriða og munu þau birtast í kynningarblaðinu.