Skýrsla um samræmd könnunarpróf haustið 2009

Sveitarstjórnir og skólanefndir grunnskóla

Mennta- og menningarmálaráðuneytið vekur athygli á skýrslu sem nýlega kom út á vegum Námsmatsstofnunar, Skýrsla um samræmd könnunarpróf í 4., 7. og 10. bekk 2009. Skýrsluna má nálgast á vef Námsmatsstofnunar.

Í skýrslunni eru ýmsar áhugaverðar upplýsingar s.s. um meðaltöl skóla og sveitarfélaga á prófunum á tímabilinu 2005 til 2009, framfarastuðlar skóla, kynjabundin mun á prófunum, hlutfall nemenda sem þurfa sérstakan stuðning á prófunum, undanþágur sem og óútskýrðar fjarvistir.
Þess er vænst að sveitarstjóri/skólanefnd skoði upplýsingar um skóla í sínu sveitarfélagi og leiti leiða til úrbóta þar sem þurfa þykir.