Fjöldi nefnda og ráða stendur í stað á milli ára en launakostnaður lækkar

Nefndum og ráðum á vegum ríkisins fækkaði milli áranna 2008 og 2009, kostnaður minnkaði og kynjahlutfall jafnaðist. Þetta kemur fram í svari Jóhönnu Sigurðardóttur forsætisráðherra við fyrirspurn Birkis Jóns Jónssonar þingmanns, sem lagt var fram á Alþingi í gær.

Árið 2008 voru 696 nefndir og ráð starfandi á vegum ríkisins en árið 2009 voru þær 700. Launakostnaður lækkaði hins vegar um rúm 8% milli áranna. Þá jókst hlutur kvenna í nefndum og ráðum á vegum ríkisins úr 38% árið 2008 í 41% í fyrra.

    Til samanburðar óskaði ráðuneytið jafnframt eftir upplýsingum vegna ársins 2008:

Ríkisstjórnin hefur í aðgerðum sínum beitt sér að krafti í margvíslegum umbótum varðandi ríkisfjármálin og stjórnkerfið í heild sinni. Markvisst er unnið að hagræðingu í ríkisrekstrinum í heild sinni og áhersla lögð á að gæta ýtrasta aðhalds, þ. á m. hefur viðmiðunarreglum um fyrirkomulag greiðslna fyrir störf í stjórnum, ráðum, nefndum og starfshópum verið breytt á síðasta ári með það að markmiði að draga úr slíkum kostnaði. Það er á hinn bóginn ekki stefna ríkisstjórnarinnar í sjálfu sér að fækka nefndum og ráðum nema þar sem slíkt er talið skynsamlegt og hagkvæmt. Meðal annars með hliðsjón af áherslu ríkisstjórnarinnar á aukið samráð og samstarf milli ráðuneyta, stofnana og hagsmunaaðila á ýmsum sviðum og með þátttöku utanaðkomandi sérfræðinga eftir þörfum.

• Svar forsætisráðherra á vef Alþingis