21 – Hindranir á leið til upplýsingatækniþjóðfélagsins

Upplýsingatæknigeirinn skapar 5% af vergri þjóðarframleiðslu (GDP) Evrópusambandsins með veltu sem nemur 660 milljörðum evra á ári auk geysimikilla áhrifa á framleiðni í öðrum geirum. Þetta kemur fram í netritinu Europolitics í grein sem byggist á drögum að skýrslu framkvæmdastjórnar Evrópusambandsins.

Engu að síður horfist geirinn í augu við miklar hindranir. Sjö atriði eru sérstaklega tiltekin:

 - margskiptur (piecemeal) markaður samansettur úr mörkuðum aðildarríkjanna 27

 - ósamræmi milli tækni og staðla

 - vaxandi glæpir tengdir netnotkun

 - lítil fjárfesting í háhraðanetum

 - lítil netfærni

 - lítil notkun nettækni í tengslum við tiltekin vandamál eins og öldrun og hlýnun andrúmsloftsins

 - litlar rannsóknir og lítil nýsköpun.

Það er því ekki undrunarefni að stærstu uppfinningarnar á netinu á síðustu árum hafa ekki komið frá Evrópu og eru nefnd dæmi eins og Google, eBay, Amazon og Facebook. Þá er lögð áhersla á hve flókin viðskipti á netinu eru og hve lítil hvatning er fyrir símafyrirtæki, svo dæmi séu tekin, að þróa lausnir fyrir Evrópu í heild sinni og fyrir neytendur að þróa eftirspurn. Niðurstaðan er því sú að grundvallarbreytingu þurfi að gera til að færa Evrópu betur inn í fjarskiptaöldina.

Þær aðgerðir sem þarf eru m.a. að mati framkvæmdastjórnarinnar:

 - Að taka á viðskiptahömlum í vefverslun og aðlaga stjórn á höfundarrétti að tækniþróun. Neytendur geta til að mynda keypt geisladiska í hvaða búð sem er en ekki hvar sem er á netinu þar sem viðskiptaleyfi eru bundin við einstök ríki. Þetta gæti skýrt mikið ólöglegt niðurhal. Framkæmdastjórnin hefur í hyggju að leggja fram tilskipun sem auðveldar stjórnun höfundaréttar í fjölmiðlun árið 2012 en auk þess mun hún leggja fram hugmyndir að verslunarleyfum sem gilda innan Evrópusambandsins alls.

 - Framkvæmdastjórnin mun beita sér fyrir samræmingu staðla

 - Framkvæmdastjórnin mun grípa til aðgerðar til að koma í veg fyrir glæpi

 - Þá mun framkvæmdastjórnin grípa til ýmissa aðgerða til að efla þrópun háhraða internets í Evrópusambandinu.

Þetta má lesa í 3978-hefti Europolitics