Kaup sérfræðiþjónustu vegna Magma Energy Sweden

Í tilefni af fjölmiðlaumfjöllun um málefni Magma Energy Sweden og álit nefndar um erlenda fjárfestingu á þeim kaupum upplýsir efnahags- og viðskiptaráðuneytið að við meðferð nefndarinnar á tilkynningu um kaup félagsins aflaði ráðuneytið og greiddi fyrir lögfræðiálit þriggja aðila. Aflað var lögfræðiálits frá Lagastofnun Háskóla Íslands um túlkun á 4. gr. laga nr. 34/1991 og beitingu greinarinnar að því er lýtur að kaupum Magma Energy Sweden AB á hlutum í HS-Orku hf., sem unnið var af Dóru Guðmundsdóttur lögfræðingi. Þá veitti Kristín Haraldsdóttir lögfræðingur og forstöðumaður hjá Auðlindaréttarstofnun Háskólans í Reykjavík álit sitt einkum um hlutverk og stöðu nefndarinnar og í þriðja lagi veitti Dóra Sif Tynes, hdl., álit á atriðum er lúta að EES rétti.