Engin ósk um viðræður

Undanfarna daga hefur ítrekað verið haft eftir embættismönnum framkvæmdastjórnar ESB að um miðjan september muni fara fram tvíhliða viðræður milli Evrópusambandsins og Íslands um makríl. Sjávarútvegs- og landbúnaðarráðuneytið vill af þessu tilefni taka það fram að engin ósk um slíkar viðræður hefur borist íslenskum stjórnvöldum.