Forsætisráðherra í heimsókn til Færeyja

Jóhanna Sigurðardóttir forsætisráðherra fer í dag í opinbera heimsókn til Færeyja.

Meðan á heimsókninni stendur mun forsætisráðherra eiga fund með Kaj Leo Johannessen, lögmanni Færeyja, en hann sótti Ísland heim í október síðastliðnum. Ráðherra mun einnig hitta færeysku ríkisstjórnina, auk þess að kynna sér menningu og sögu Færeyja. Heimsókn forsætisráðherra lýkur síðdegis á miðvikudag.

Reykjavík 6. september 2010