Ráðstefnan Æskan, rödd framtíðar hófst í dag

Mennta- og menningarmálaráðherra setti ráðstefnuna Youth - Voice of the Future í dag. Ráðstefnan er síðasti hluti formennskuárs Íslands í Norrænu ráðherranefndinni

Mennta- og menningarmálaráðherra, Katrín Jakobsdóttir, setti ráðstefnuna Youth - Voice of the Future í dag. Ráðstefnan er síðasti hluti formennskuárs Íslands í Norrænu ráðherranefndinni . Eitt af helstu verkefnum var framkvæmd samanburðarrannsóknar á högum, líðan og lífsstíl meðal norrænna ungmenna, 16-19 ára. Rannsóknin var gerð á öllum Norðurlöndunum, þ.m.t.  Færeyjum Grænlandi og Álandseyjum og voru helstu niðurstöður kynntar í dag. Fjölmennt var á ráðstefnunni og vöktu niðurstöður athygli gesta. Hljómsveitin Pascal Pinon flutti nokkur lög sem rödd framtíðar.

 Ráðstefnunni mun ljúka á morgun með kynningum á niðurstöðum úr málstofum og með opnum fundi þar sem ungmenni og fræðimenn ræða um málefni ungs fólks á Norðurlöndunum.