Heilsutengd ferðaþjónusta Hvatningarverðlaun iðnaðarráðherra

Ný heimasíða
Ráðherra tilkynnti um þetta á kynningarfundi sem samtök um heilsuferðaþjónustu gengust fyrir í dag. Þar var einnig opnuð ný heimasíða samtakanna á slóðinni http://www.islandofhealth.is/

Nánar um verðlaunin
Hvor verðlaun eru að upphæð ein milljón króna og verða verðlaunin veitt í desember næstkomandi. Verðlaunin verða veitt fyrir áhugverða heilsuferðapakka fyrir erlenda ferðamenn.

Verðlaunahafar þurfa að uppfylla eftirtalin skilyrði:

1. Þrír eða fleiri aðilar/fyrirtæki koma að heilsuferðinni og skal nafn og hlutverk hvers og eins skilgreint nákvæmlega á umsóknareyðublaðinu.
2. Ferðin sé ætluð erlendum vel skilgreindum markhópum.
3. Heilsuferðirnar verði metna út frá nýnæmi og framtíðarmöguleikum þeirra.
4. Heilsuferðin sé amk. 3 sólarhringar og sé í boði utan háannatíma.
5. Heilsuferðin falli að skilgreiningu á vellíðunar- eða heilsuferðaþjónustu*
6. Tilgangur ferðarinnar sé að efla heilsu viðskiptavinar.
7. Ávinningur af ferðinni sé skilgreindur.

Hverjir geta tekið þátt:
Öllum sem bjóða upp á heilsuferðaþjónustu er frjálst að taka þátt að uppfylltum þeim skilyrðum sem fram koma á umsóknareyðublaðinu.

Umsóknum skal skilað til Ferðamálastofu eigi síðar en 3. desember nk. á sérstöku umsóknareyðublaði sem nálgast má hér að neðan

• Umsóknareyðublað fyrir hvatningarverðlaun (PDF)

Nánari upplýsingar veitir Sigrún Hlín Sigurðardóttir, [email protected] , s. 535 5500.

Auglýsingin um verðlaunin (PDF)

*Heilsuferðaþjónusta er ferðaþjónusta sem felur í sér að ferðamaðurinn geti notið sem aðalþáttar og hvata ferðar eftirfarandi heilsuþátta: Vatns og vellíðunar, líkamsræktar, íþrótta og hreyfingar, endurhæfingar og heilsubætandi meðferða, hátæknilækninga. Auk mismunandi afþreyingar.